ინდუსტრიები

CIC ნავთობის, გაზისა და ნავთობქიმიური პროდუქტების სფეროში უზრუნველყოფს დამოუკიდებელ ინსპექტირებას, რაოდენობისა და ხარისხის კონტროლს, სინჯების აღებასა და ლაბორატორიულ კვლევას.

გამოცდილი ინსპექტორების, ტექნიკური სპეციალისტებისა და თანამედროვე ლაბორატორიული შესაძლებლობების დახმარებით, ჩვენ ვაწვდით კლიენტებს ზუსტ, მიუკერძოებელ და დროულ ინფორმაციას ტვირთის მოძრაობის ყველა მნიშვნელოვან ეტაპზე — შენახვიდან და ტრანსპორტირებიდან ჩატვირთვა-გადმოტვირთვის ოპერაციებამდე.

ადგილობრივი ბაზრის ცოდნისა და საერთაშორისო სამუშაო პრაქტიკის შერწყმით, CIC ეხმარება კლიენტებს რისკების შემცირებაში, პროდუქტის შესაბამისობის დადასტურებასა და უსაფრთხო და წარმატებული სავაჭრო გადაწყვეტილებების მიღებაში.

CIC საქართველოს ძირითად პორტებსა და ტერმინალებში საზღვაო სექტორის წარმომადგენლებს სთავაზობს დამოუკიდებელ ინსპექტირებას, საზღვაო კვლევასა და სრულ სააგენტო მომსახურებას.

ჩვენი გამოცდილი ინსპექტორები და საზღვაო სპეციალისტები უზრუნველყოფენ გემის, ტვირთისა და საბუნკერე ოპერაციების პროფესიონალურ ზედამხედველობას — ჩატვირთვა-გადმოტვირთვის კონტროლიდან და რაოდენობის განსაზღვრიდან გემის მდგომარეობის, ბუნკერის რაოდენობისა და შესაძლო დაზიანებების შეფასებამდე.

სააგენტო მომსახურების ფარგლებში, CIC ეხმარება გემთმფლობელებს, ჩარტერერებსა და ოპერატორებს პორტთან დაკავშირებული აუცილებელი დოკუმენტაციის შეგროვებასა და მომზადებაში, შესაბამის უწყებებთან და მომსახურების მიმწოდებლებთან კომუნიკაციაში და სრული პროცესის კოორდინაციაში — გემის პორტში შემოსვლიდან მის გასვლამდე.

ჩვენ ასევე ვახორციელებთ გემის საჭირო მარაგებით მომარაგების ორგანიზებას, მათ შორის ბუნკერის საწვავის მიწოდებასა და ბუნკირების პროცესის კოორდინაციას. დროული მომსახურებით, ზუსტი დოკუმენტაციითა და პროცესის ეფექტიანი მართვით, CIC იცავს კლიენტის ინტერესებს და ხელს უწყობს გემის შეუფერხებელ ოპერირებას პორტში.

CIC უზრუნველყოფს სასოფლო-სამეურნეო პროდუქციისა და სასუქების დამოუკიდებელ ინსპექტირებას, სინჯების აღებას, რაოდენობისა და ხარისხის კონტროლსა და ლაბორატორიულ კვლევას.

ჩვენი გამოცდილი ინსპექტორები ზედამხედველობენ მარცვლეულის, ზეთოვანი კულტურების, ცხოველთა საკვების, ნედლეულისა და სხვადასხვა სახის სასუქების მიღებას, შენახვას, ტრანსპორტირებასა და ჩატვირთვა-გადმოტვირთვის ოპერაციებს. მომსახურება მოიცავს ტვირთის მდგომარეობის შეფასებას, წონისა და რაოდენობის დადასტურებას, წარმომადგენლობითი სინჯების აღებას, საწყობისა და სატრანსპორტო საშუალებების შემოწმებას, ასევე შესაბამისი ოპერაციების დოკუმენტირებას.

დამოუკიდებელი კონტროლის, ზუსტი შედეგებისა და დროული ანგარიშგების საშუალებით, CIC ეხმარება მწარმოებლებს, იმპორტიორებს, ექსპორტიორებს, ტრეიდერებსა და ლოგისტიკურ კომპანიებს პროდუქციის შესაბამისობის დადასტურებაში, დანაკარგებისა და კომერციული რისკების შემცირებაში და საიმედო სავაჭრო გადაწყვეტილებების მიღებაში.

CIC უზრუნველყოფს ლითონების, მადნების, მინერალებისა და მათგან წარმოებული პროდუქციის დამოუკიდებელ ინსპექტირებას, სინჯების აღებას, რაოდენობისა და ხარისხის კონტროლსა და ლაბორატორიულ კვლევას.

ჩვენი გამოცდილი ინსპექტორები ზედამხედველობენ მადნების, კონცენტრატების, ფეროშენადნობების, ლითონის ნაწარმის, ჯართისა და სხვა მინერალური ტვირთების მიღებას, შენახვას, ტრანსპორტირებასა და ჩატვირთვა-გადმოტვირთვის ოპერაციებს. მომსახურება მოიცავს ტვირთის მდგომარეობის შეფასებას, რაოდენობის განსაზღვრას აწონვის ან გემის წყალშიგის გაზომვის მეთოდით, წარმომადგენლობითი სინჯების აღებასა და მომზადებას, საწყობისა და სატრანსპორტო საშუალებების შემოწმებას, ასევე ოპერაციების დეტალურ დოკუმენტირებას.

დამოუკიდებელი კონტროლის, ზუსტი მონაცემებისა და დროული ანგარიშგების საშუალებით, CIC ეხმარება მწარმოებლებს, მომპოვებელ კომპანიებს, ტრეიდერებს, იმპორტიორებსა და ექსპორტიორებს პროდუქციის შესაბამისობის დადასტურებაში, რაოდენობრივი და ხარისხობრივი რისკების შემცირებასა და მათი კომერციული ინტერესების დაცვაში.

CIC უზრუნველყოფს საწყობების, მარაგებისა და ლოგისტიკური ოპერაციების დამოუკიდებელ ინსპექტირებასა და კონტროლს, რაც კლიენტებს ტვირთის მდგომარეობის, რაოდენობისა და გადაადგილების შესახებ სანდო ინფორმაციას აწვდის.

ჩვენი გამოცდილი ინსპექტორები აფასებენ საწყობის მდგომარეობას, ტვირთის შენახვის პირობებს, შეფუთვასა და მარკირებას, ახორციელებენ მარაგების ფიზიკურ დათვლასა და დოკუმენტურ გადამოწმებას და ზედამხედველობენ ტვირთის მიღების, განთავსების, გადატვირთვისა და გაცემის პროცესებს. მომსახურება ასევე მოიცავს ტვირთის მდგომარეობისა და შესაძლო დაზიანებების შემოწმებას, სატვირთო ავტომობილების, კონტეინერებისა და სარკინიგზო ვაგონების კონტროლს და დეტალური ფოტოანგარიშების მომზადებას.

დამოუკიდებელი ინვენტარიზაციის, ზუსტი დოკუმენტირებისა და დროული ანგარიშგების საშუალებით, CIC ეხმარება საწყობის ოპერატორებს, ტვირთის მფლობელებს, ტრეიდერებსა და ლოგისტიკურ კომპანიებს დანაკარგების, შეუსაბამობებისა და საოპერაციო რისკების შემცირებაში და მარაგების ეფექტიან მართვაში.

CIC უზრუნველყოფს სამრეწველო, მძიმე და არაგაბარიტული საპროექტო ტვირთების დამოუკიდებელ ინსპექტირებასა და პროფესიონალურ ზედამხედველობას ტრანსპორტირების ყველა მნიშვნელოვან ეტაპზე.

ჩვენი გამოცდილი ინსპექტორები ამოწმებენ ტვირთის მდგომარეობას, რაოდენობას, შეფუთვას, მარკირებასა და თანმხლებ დოკუმენტაციას, ასევე ზედამხედველობენ მის ჩატვირთვას, დამაგრებას, გადატვირთვასა და გადმოტვირთვას. მომსახურება მოიცავს წინასატრანსპორტო მდგომარეობის შემოწმებას, შესაძლო დაზიანებების დაფიქსირებას, ამწე და სატვირთო ოპერაციების მონიტორინგსა და დეტალური ფოტოანგარიშების მომზადებას.

CIC ასევე ახორციელებს ახალაშენებული ობიექტებისა და მათი საინჟინრო სისტემების დამოუკიდებელ ტექნიკურ ინსპექტირებას, ტესტირებასა და შესაბამისობის შეფასებას. მომსახურება მოიცავს ლიფტების, წყალმომარაგებისა და წყალარინების, სახანძრო უსაფრთხოების, ელექტრო და გაზის სისტემების, მეხამრიდებისა და დამიწების, გათბობა-გაგრილების, ვენტილაციისა და სხვა ტექნიკური სისტემების შემოწმებას.

ჩატარებული ინსპექტირებისა და გამოცდის შედეგების საფუძველზე, CIC შესაბამისი უფლებამოსილებისა და მომსახურების სფეროს ფარგლებში გასცემს ტექნიკური მდგომარეობისა და შესაბამისობის დამადასტურებელ სერტიფიკატსა და ანგარიშს.

ზუსტი დოკუმენტირებით, დროული ანგარიშგებითა და დამოუკიდებელი ტექნიკური კონტროლით, CIC ეხმარება დეველოპერებს, პროექტის მფლობელებს, კონტრაქტორებს, მწარმოებლებსა და ლოგისტიკურ კომპანიებს ტექნიკური, საოპერაციო და ფინანსური რისკების შემცირებაში.